డైలీ భారత్, రామంతపూర్:రామంతపూర్ బాగాయత్‌లోని వెంకట సాయి నగర్ కాలనీలో బోనాల పండుగ వేడుకలు ఘనంగా నిర్వహించారు. వెంకట సాయి నగర్ వెల్ఫేర్ అసోసియేషన్ ఆధ్వర్యంలో నిర్వహించిన ఈ ఉత్సవాల్లో అమ్మవారికి ప్రత్యేక పూజలు నిర్వహించి భక్తిశ్రద్ధలతో బోనాలు సమర్పించారు. అనంతరం అమ్మవారి తొట్టెల ఊరేగింపును కాలనీలోని ప్రధాన వీధుల గుండా నిర్వహించారు. తొట్టెల ఊరేగింపులో పోతరాజుల విన్యాసాలు, డప్పుల మోత, మహిళల బోనాల సందడి ప్రత్యేక ఆకర్షణగా నిలిచాయి. కాలనీ ప్రజలు పెద్ద సంఖ్యలో పాల్గొని అమ్మవారిని దర్శించుకుని మొక్కులు చెల్లించుకున్నారు. ఈ సందర్భంగా అసోసియేషన్ సభ్యులు మాట్లాడుతూ.. బోనాల పండుగను ప్రతి సంవత్సరం కాలనీ ప్రజలందరూ ఐకమత్యంతో, భక్తిశ్రద్ధలతో నిర్వహించుకోవడం ఆనవాయితీగా వస్తోందన్నారు. కాలనీలో సుఖశాంతులు, ఆరోగ్యం, సౌభాగ్యం వెల్లివిరియాలని అమ్మవారిని ప్రార్థించినట్లు  తెలిపారు.

ఈ కార్యక్రమంలో కాలనీ అధ్యక్షులు విజయేందర్ రెడ్డి ,గౌరవ సభ్యులు రమేష్ గౌడ్, ఎం రవికుమార్ , గోపాల్ యాదవ్ , సర్వ సత్తయ్య యాదవ్,  శివ శంకర్ , సంజీవ కమిటీ సభ్యులు  ఆర్ గోవింద్,  జి అశోక్, శ్రీనివాస్ గౌడ్ , కే నవీన్ కుమార్, భూపతి నరసింహ గౌడ్, డాక్టర్ విద్యాసాగర్, రామకృష్ణ, శివకుమార్ , బి.చలపతిరావు, రమేష్ శెట్టి, శ్రీధర్ గౌడ్, స్వామి, నరేష్, శ్రీనివాస్ రెడ్డి ,హరీష్ , శేఖర్, బి.రాములు గౌడ్, చంద్రం చారి ,పరుశురాం, ఐలేష్ యాదవ్,  చారి, హుస్సేన్,  బాల కొమరయ్య, తదితరులు పాల్గొన్నారు