రక్తదానంతో ఆదర్శంగా నిలుస్తున్న వ్యవసాయ విస్తరణ అధికారి అశోక్ రెడ్డి

రెడ్ క్రాస్ జిల్లా సమన్వయకర్త,ఐవి ఎఫ్ సేవాదళ్ రాష్ట్ర చైర్మన్ డాక్టర్ బాలు

డైలీ భారత్, కామారెడ్డి : కామారెడ్డి జిల్లా లింగాపూర్ వాటర్ చెందిన భూమని నర్సవ్వ (75) కు కాలు ఆపరేషన్ నిమిత్తమై బి నెగెటివ్ రక్తం అవసరం కావడంతో వారికి కావలసిన రక్తాన్ని వ్యవసాయ విస్తరణ అధికారి అశోక్ రెడ్డి అందజేసి ప్రాణదాతగా నిలవడం జరిగిందని రెడ్ క్రాస్ జిల్లా సమన్వయకర్త,ఐవిఎఫ్ సేవాదళ్ రాష్ట్ర చైర్మన్ డాక్టర్ బాలు తెలియజేశారు.

ఈ సందర్భంగా డాక్టర్ బాలు మాట్లాడుతూ కామారెడ్డి జిల్లా రెడ్ క్రాస్ అత్యధిక సభ్యత్వ నమోదు లోనే కాకుండా అవసరం ఉన్నవారికి కావలసిన రక్తాన్ని అందజేయడం,తల సేమియా బాధిత చిన్నారులకు రక్తదాన శిబిరాలను నిర్వహించడం,  జిల్లాకు చెందిన వ్యక్తులు తెలంగాణ రాష్ట్ర వ్యాప్తంగా ఏ వైద్యశాలలో ఉన్న వారికి కావలసిన రక్తాన్ని సకాలంలో అందజేస్తూ ప్రాణాలను కాపాడడం జరిగిందని,సహకరిస్తున్న రక్తదాతలకు ప్రత్యేక కృతజ్ఞతలు తెలియజేశారు.అశోక్ రెడ్డి వ్యవసాయ విస్తరణ అధికారిగా విధులను నిర్వహించడమే కాకుండా ప్రతి మూడు నెలలకు ఒకసారి రక్తాన్ని అందజేసిన ఆదర్శంగా నిలుస్తున్నారని గతంలో ఎన్నో సందర్భాల్లో గర్భిణీ మహిళల కోసం,వివిధ ఆపరేషన్ల నిమిత్తమై, ప్రమాద బాధితులకు,డెంగ్యూ వ్యాధితో బాధపడుతున్న వారికి రక్తాన్ని అందజేస్తూ మానవత్వాన్ని చాటుతున్న రక్తదాతకు అభినందనలు తెలియజేశారు.