డైలీ భారత్ న్యూస్, నిజామాబాద్: రాష్ట్రవ్యాప్తంగా వివిధ పాఠశాలల్లో చదువుతున్న విద్యార్థుల సమస్యలను తెలంగాణ ప్రభుత్వం సత్వరమే పరిష్కరించాలని డెమొక్రటిక్ స్టూడెంట్ ఫెడరేషన్ ఆఫ్ ఇండియా రాష్ట్ర అధ్యక్షుడు వీరభద్రం డిమాండ్ చేశారు. శనివారం జిల్లా కేంద్రంలోని ప్రెస్ క్లబ్లో ఏర్పాటు చేసిన మీడియా సమావేశంలో ఆయన మాట్లాడుతూ  రాష్ట్రంలో కాంగ్రెస్ ప్రభుత్వం అధికారంలోకి వచ్చి దాదాపు రెండు సంవత్సరాలు గడుస్తున్నా పేద విద్యార్థులకు పెండింగ్ లో ఉన్న 8,600 కోట్ల నిధులు వెంటనే మంజూరు చేయాలని అన్నారు. గత ప్రభుత్వం మాదిరిగానే కాంగ్రెస్ ప్రభుత్వం కూడా విద్యార్థుల పట్ల నిర్లక్ష్యం వహిస్తుందని ఆయన అన్నారు. రాష్ట్రవ్యాప్తంగా ఒక వెయ్యి 23 గురుకులాలు ఉండగా అందులో ఏ ఒక్క గురుకుల పాఠశాలలో కూడా విద్యార్థులకు మౌలిక వసతులు లేక విద్యార్థులు ఇబ్బందులు పడుతున్నారని ఆయన ఆరోపించారు. వీటన్నిటికీ కారణం ఈ ప్రభుత్వ మంత్రివర్గంలో విద్యాశాఖ మంత్రి కి ప్రాధాన్యత కల్పించకపోవడం వల్లే విద్యార్థులు అవస్థలు పడుతున్నారని ఆయన అన్నారు. రాష్ట్రంలో ప్రజాపాలన నడవడం లేదని, విద్యా వ్యతిరేక పాలన నడుస్తుందని విమర్శించారు ప్రభుత్వ హాస్టళ్లు గురుకుల పాఠశాల హాస్టల్లలో ఇటీవల వందల మంది విద్యార్థులు ఫుట్బాయిజంతో ఇబ్బంది పడుతుంటే ప్రభుత్వానికి చీమకుట్టినట్టు కూడా లేకపోవడం ఆందోళన కలిగిస్తుందన్నారు. అలాగే ఇదే వాళ్ళ జిల్లాకు ఇంజనీరింగ్ కళాశాల ఏర్పాటు చేసినందుకు హర్షం వ్యక్తం చేశారు. కార్యక్రమంలో విద్యార్థి సంఘ నాయకులు సాయికుమార్, సూర్య ప్రకాష్, జిల్లా నాయకులు సర్దార్ జెస్ మేర్సింగ్, వంశీ, దీపక్, సాయి తేజ సూర్య తదితరులు పాల్గొన్నారు.