డైలీ భారత్, భద్రాద్రి కొత్తగూడెం:భద్రాద్రి కొత్తగూడెం జిల్లా జూలూరుపాడు మండల జనసేన పార్టీ అధ్యక్షునిగా అనంతారం గ్రామానికి చెందిన యువ నేత ఉసికల రమేష్ ఎన్నికయ్యారు. హైదరాబాద్, కూకట్ పల్లిలోని జనసేన పార్టీ కార్యాలయంలో ఇటీవల జరిగిన పార్టీ ప్రత్యేక సమావేశంలో ఈ ఎన్నిక జరిగింది. జనసేన పార్టీ రాష్ట్ర ప్రధాన కార్యదర్శి రామ్ తాళ్లూరి, తెలంగాణ జనసేన పార్టీ ఇంచార్జ్ శంకర్ గౌడ్ ఆధ్వర్యంలో ఉమ్మడి ఖమ్మం జిల్లా ముఖ్య నాయకుల సమావేశం జరిగింది. ఈ సమావేశానికి ఉమ్మడి ఖమ్మం జిల్లా నుండి భారీగా జనసైనికులు హాజరయ్యారు. మున్సిపల్ ఎన్నికలలో భాగంగా ప్రతి ఒక్కరూ పార్టీ బలోపేతానికి కృషి చేయాలని రాష్ట్ర నాయకులు ఈ సందర్భంగా జన సైనికులకు విజ్ఞప్తి చేశారు. ఉమ్మడి ఖమ్మం జిల్లా నియోజకవర్గ కమిటీ నియామకాలను మిరియాల రామకృష్ణకు భద్రాద్రి కొత్తగూడెం జిల్లా నియోజకవర్గ కమిటీ నియామకాలను వేముల కార్తీక్ కు అప్పజెప్పారు. ఇందులో భాగంగా జూలూరుపాడు మండల జనసేన అధ్యక్షుడిగా ఉసికల రమేష్ ను ఎన్నుకున్నారు. జనసేన పార్టీ ప్రధాన కార్యదర్శి రామ్ తాళ్లూరి మాట్లాడుతూ పార్టీ పోటీ చేసిన దగ్గర గెలుపు కోసం ప్రతి ఒక్కరూ గెలుపే లక్ష్యంగా  పనిచేయాలని ఆదేశించారు. జనసేన పార్టీ మండల అధ్యక్షుడుగా ఎన్నికైన ఉసికల రమేష్ మాట్లాడుతూ పార్టీలో ఈ బాధ్యతలను అప్పగించినందుకు  భద్రాద్రి కొత్తగూడెం జిల్లా జనసేన పార్టీ ఇంచార్జ్ వేముల కార్తీక్, ఖమ్మం జిల్లా జనసేన పార్టీ ఇంచార్జ్  మిరియాల రామకృష్ణ, వైరా నియోజకవర్గ ఇన్చార్జ్ కట్ల రామకృష్ణలకు కృతజ్ఞతలు తెలిపారు. మండలంలో పార్టీ బలోపేతానికి శక్తి వంచన లేకుండా కృషి చేస్తానని, పార్టీ అధిష్టానం ఆదేశానుసారం నడుచుకుంటూ, కార్యకర్తల సమన్వయంతో  ముందుకు సాగుతానన్నారు