శాలువా పై మోడీ క్యూఆర్ కోడ్

డైలీ భారత్, కరీంనగర్:సిరిసిల్ల నేత కళాకారుడి నుంచి మరో అద్భుతం ఆవిష్కృతమైంది. సిరిసిల్ల పట్టణానికి చెందిన నేత కళాకారుడు నల్ల విజయ్ అద్భుతమైన శాలువాను సృష్టించాడు. మోడీ మన నాడీ పేరుతో శాలువా పై ప్రధాని నరేంద్ర మోడీ క్యూఆర్(QR) కోడ్ ను చేనేత మగ్గంపై రూపకల్పన చేశాడు. కేంద్ర ప్రభుత్వం, ప్రధాని నరేంద్ర మోడీ ప్రవేశపెట్టిన సంక్షేమ పథకాలు, అభివృద్ధి కార్యక్రమాల వివరాలను తెలుసుకునే విధంగా శాలువా పై క్యూఆర్ కోడ్ ను రూపొందించాడు. ఈ శాలువాను కేంద్ర మంత్రి బండి సంజయ్ ఆవిష్కరించారు. ప్రధాని మోదీ నాయకత్వంలో సాధించిన ముఖ్య విజయాలు, చేపట్టిన ప్రముఖ కార్యక్రమాలు శాలువాలపై నేసి, క్యూఆర్ కోడ్ లో పొందుపరచడానికి విజయ్ ప్రయత్నించాడు.

ఈ స్కానర్ ను స్మార్ట్ ఫోన్ లో కెమెరాతో స్కాన్ చేయగానే అయోధ్య రామమందిరం, ఆపరేషన్ సిందూర్, డిజిటల్ ఇండియా, చంద్రయాన్-3, వందే భారత్ ఎక్స్ప్రెస్, స్వచ్ఛభారత్ వంటి ఎన్నో గొప్ప కార్యక్రమాలను కనిపిస్తాయి. ప్రధాని మోడీ చేపట్టిన డిజిటల్ ఇండియా కార్యక్రమాన్ని స్ఫూర్తిగా తీసుకొని ఈ క్యూఆర్ కోడ్ శాలువాను తయారు చేసినట్లు నేత కళాకారుడు విజయ్ తెలిపారు. ఈ శాలువా వెడల్పు 32 ఇంచులు, పొడవు రెండున్నర మీటర్లు, దాని తయారీకి 12 రోజుల సమయం పట్టిందన్నారు. ఈ శాలువాను అతి త్వరలో ప్రధాని మోడీకి అందించనున్నట్లు ఆయన చెప్పారు. కాగా నల్లా విజయ్ గతంలో ఆపరేషన్ సిందూర్ బంగారు శాలువాను మగ్గం పైనేసి మోడీకి అందించారు. ఇలా ఎన్నో ఆయన నుంచి ఎన్నో చేనేత కళ నైపుణ్యాలు ఆవిష్కృతమయ్యాయి.