జోరుగా..హుషారుగా ఎన్నికల ప్రచారం

డైలీ భారత్ న్యూస్, భద్రాద్రి కొత్తగూడెం:భద్రాద్రి కొత్తగూడెం జిల్లాకొత్తగూడెం నియోజకవర్గ లక్ష్మిదేవిపల్లి  ఉంగరం గుర్తుకు ఓటు వేసి నన్ను గెలిపించండి చాతకొండ గ్రామాన్ని ఆదర్శవంతమైన గ్రామంగా తీర్చిదిద్దుతానని సిపిఐ పార్టీ సర్పంచ్ అభ్యర్థి వజ్జా ఈశ్వరి అన్నారు. చాతకొండ గ్రామ సర్పంచ్ అభ్యర్థిగా పోటీలో ఉన్న వజ్జా ఈశ్వరి ప్రచారంలో ఒక్కో అడుగు ముందుకు వేస్తూ దూసుకుపోతున్నారు. అందరికి సుపరిచితురాలైన ఈశ్వరి గ్రామ ఓటర్లను తనదైన శైలిలో ఆకట్టుకుంటున్నారు.  "ఉంగరం" గుర్తుతో పోటీ చేస్తున్న ఈశ్వరి నియోజకవర్గ అభివృద్ధి ప్రధాత స్థానిక ఎమ్మెల్యే కూనంనేని సాంబశివరావు, సిపిఐ పార్టీ జిల్లా కార్యదర్శి సాబీర్ పాషా ఆశీస్సులతో ఎన్నికల బరిలో దూసుకుపోతుంది. తన ప్యానెల్ అభ్యర్థులు, మద్దతు దారులతో కలిసి విస్తృతంగా చేశారు. ఈ సందర్భంగా ఆమె మాట్లాడుతూ గ్రామంపై పూర్తి అవగాహన కలిగిన వ్యక్తినైన తనను గెలిపిస్తే చాతకొండ గ్రామాన్ని అన్ని రంగాల్లో ఉన్నత స్థానానికి తీసుకొచ్చే బాధ్యత తనదని, ఉంగరం గుర్తు పై మీ అమూల్యమైన ఓటు వేసి అఖండ మెజార్టీతో గెలిపించాలని విజ్ఞప్తి చేస్తున్నాన‌న్నారు. గ్రామంలో అన్ని మౌలిక సదుపాయాలు ఏర్పాటు చేస్తానని, వీధిలైట్లు, డ్రైనేజీ, నీటి సమస్య, సీసీ రోడ్లల నిర్మాణాల కోసం స్థానిక ఎమ్మెల్యే కూనంనేని సాంబశివరావు సహకారంతో నిధులు తీసుకొచ్చి గ్రామాన్ని అభివృద్ధి పరుస్తానన్నారు. ఎమ్మెల్యే కూనంనేని సాంబశివరావు సహకారంతో రెండో విడత ఇందిరమ్మ ఇళ్ల పథకంలో ఎటువంటి పక్షపాత వైఖరి లేకుండా కేవలం అర్హులైన వారికే ఇందిరమ్మ ఇళ్లను కేటాయింపు జరిగేలా చూస్తానని, మీ ఊరి మనిషిగా చాతకొండ గ్రామ ప్రజలు తనను ఆదరించి, అభిమానించి మీ ఆశీర్వాదాన్ని, మీ అమూల్యమైన ఓటును ఉంగరం గుర్తుపై వేసి భారీ మెజారిటీతో గెలిపించాలని విజ్ఞప్తి చేశారు. ఈ ప్రచార కార్యక్రమంలో పంచాయతీ బరిలో ఉన్న వార్డు సభ్యులు, మంద కమలయ్య (గాబ్రీయేలు), షేక్ షబానా,  ఈసాల లత, వజ్జా రాజేశ్వరి, కోరం జ్యోతి, ఏర్పల సరితా దాస్, గుమ్మడి అనురాధ, వేముల శ్రీనివాస్, కోరం నర్సింహారావు, రామగిరి సాయిబాబు, బిఆర్ఎస్ నాయకులు శేషాద్రి వినోద్, మరియు స్థానికులు పాల్గొన్నారు.