కళాకారులు దేవుని రూపాలు : మంజుల పత్తిపాటి

News

Posted on 2026-03-28 08:03:17

Share:

డైలీ భారత్, స్పెషల్:

కళాకారులు దేవుని రూపాలు.......

కళాకారుడి కష్టాలు

కనుమరుగవుతున్న వేళ…

వేదికలు మూతపడితే

వాళ్ల ఊపిరి కూడా ఆగిపోతుంది;

చప్పట్లు లేకపోతే

మనసే మౌనమైపోతుంది…

కలలతో వచ్చిన వారు

కాలంతో పోరాడుతున్నారు;

కళను నమ్ముకున్న వారు

జీవితాన్ని మోస్తున్నారు…

ఒకప్పుడు వెలుగుల మధ్య

వెలిగిన ఆ ముఖాలు—

ఇప్పుడు గుర్తుల కోసం

గడపలు తడుతున్నాయి…

పాట పాడిన గొంతులు

పని కోసం తలవంచుతున్నాయి;

నాట్యం చేసిన పాదాలు

నడవడానికి కూడా అలసిపోతున్నాయి…

ఇది వారి తప్పు కాదు,

ఇది కాలం మార్పు మాత్రమే;

కాని కళను మర్చిపోవడం

మన తప్పే కదా…

అందుకే—

రండి… కళాకారుడిని కాపాడుకుందాం,

రండి… కళను నిలబెట్టుకుందాం;

ఒక చప్పటి ఇచ్చినా

ఒక జీవితం నిలుస్తుంది…

ఒక చూపు చూసినా

ఒక ఆశ పుడుతుంది;

మన మద్దతు ఉంటేనే

వారి కళ బతుకుతుంది…

కనుమరుగవుతున్న ఈ వెలుగును

మళ్లీ వెలిగిద్దాం మనం;

కళాకారుడి జీవితం

మళ్లీ రంగస్థలం పై మెరవాలి

వారి కళ్లలో ఆనందం చూడాలని

కోరుకుంటూ

రచన: మంజుల పత్తిపాటి

మాజీ ఆలేరు వ్యవసాయ మార్కెట్ కమిటీ డైరెక్టర్,

చరవాణి 9347042218

యాదాద్రి భువనగిరి జిల్లా

తెలంగాణ రాష్ట్రం.

| Daily భారత్

కళాకారులు దేవుని రూపాలు : మంజుల పత్తిపాటి

Recent news