బాసర పుణ్యక్షేత్రానికి వరద ముప్పు..

News

Posted on 2025-09-28 15:37:40

Share:

ఉదృతంగా ప్రవహిస్తున్న గోదావరి నది

డైలీ భారత్ న్యూస్ నిజామాబాద్:మహారాష్ట్ర ఎగువ ప్రాంతం నుండి భారీ వర్షాల కారణంగా దిగువ ప్రాంతమైన తెలంగాణలోని కందకుర్తి, బాసర గోదావరి నది ఉదృతంగా ప్రవహిస్తుంది.

గోదావరితో బాసరకు వరద ముప్పు పొంచి ఉంది. ఎగువన కురుస్తున్న భారీ వర్షాలకు బాసర గోదావరి ఉగ్ర రూపిణిగా ప్రవహిస్తూ ప్రస్తుతం స్నాన ఘాట్లపైకి వరద నీరు చేరుకుంది. గోదావరి- బాసర ఆలయం రహదారిలో గల పలు లాడ్జిల్లో, ఇళ్లల్లో బ్యాక్ వాటర్ చేరడంతో ప్రజలు ఆందోళన చెందుతున్నారు. మరోవైపు ప్రస్తుతం బాసరలో దేవి నవరాత్రి ఉత్సవాలు వైభవంగా జరుగుతున్నాయి. ఉత్సవాలలో ముఖ్యఘట్టమైన అమ్మవారు పుట్టిన మూలా నక్షత్రం సోమవారం రావడంతో భక్తులు అమ్మవారిని ప్రత్యక్షంగా తిలకించేందుకు రాష్ట్రవ్యాప్తంగా వివిధ ప్రాంతాల నుండి అధిక సంఖ్యలో బాసర తరలివచ్చే అవకాశం ఉంది అయితే బాసరను వరదలు అతలాకుతలం చేయడంతో ప్రజలు ఆందోళనకు గురవుతున్నారు. వరద నీరు బాసర ఆలయ పుర వీధులకు చేరడానికి 100 అడుగుల దూరంలో ఉంది. దీంతో వర్తక వ్యాపారులు గతంలో జరిగిన వరద అనుభవాల దృష్టిలో పెట్టుకుని తమ వ్యాపారం అటు ఉంచితే తాము క్షేమంగా బ్రతికితే చాలు అనుకొని వ్యాపారస్తావరాలను ఎత్తివేసే పనులు ఉన్నారు.

| Daily భారత్

బాసర పుణ్యక్షేత్రానికి వరద ముప్పు..

Recent news