Posted on 2026-03-26 20:27:03
నిందితుడి అరెస్ట్, నగదు మరియు సెల్ ఫోన్లు స్వాధీనం
గంటల వ్యవధిలోనే మొబైల్ షాపులో దొంగతనం కేసు ఛేదించిన మాచారెడ్డి పోలీసులు
కేసును చాకచక్యంగా ఛేదించిన మాచారెడ్డి పోలీసులను అభినందించిన జిల్లా ఎస్పీ
వివరాలు వెల్లడించిన మాచారెడ్డి ఎస్హెచ్ఓ అనిల్
డైలీ భారత్, మాచారెడ్డి: మాచారెడ్డి పోలీస్ స్టేషన్ పరిధిలో అంకిరెడ్డిపల్లి తాండ గ్రామానికి చెందిన పిర్యాదిదారుడు గూగులోత్ చందు (తండ్రి: రాములు) మొబైల్ షాప్ మాచారెడ్డి చౌరస్తా వద్ద ఉండగా, తేది 25/26-03-2026 రాత్రి సమయంలో గుర్తు తెలియని వ్యక్తులు షాప్ షట్టర్ తాళాలు పగలగొట్టి లోపలికి ప్రవేశించి మూడు సెల్ ఫోన్లు మరియు కొంత నగదు దొంగిలించారు. ఈ మేరకు మాచారెడ్డి పోలీస్ స్టేషన్లో పిర్యాదు చేయగా కేసు నమోదు చేసి దర్యాప్తు ప్రారంభించబడింది.
దర్యాప్తులో భాగంగా ఉదయం మాచారెడ్డి పోలీస్ స్టేషన్ ఎదుట వాహనాల తనిఖీ నిర్వహిస్తున్న సమయంలో, అంకిరెడ్డిపల్లి గ్రామానికి చెందిన అజ్మీర అశోక్ @ గణేష్ (వయసు: 29 సంవత్సరాలు) అనుమానాస్పదంగా బైక్పై వస్తూ పోలీసులను గమనించి పారిపోవడానికి ప్రయత్నించాడు. వెంటనే పోలీసులు అతన్ని అదుపులోకి తీసుకుని విచారించగా, తానే తేది 25-03-2026 రాత్రి సమయంలో గూగులోత్ చందు గారి మొబైల్ షాప్ షట్టర్ తాళాలు పగలగొట్టి మూడు సెల్ ఫోన్లు మరియు నగదు దొంగిలించినట్లు విచారణలో వెల్లడైంది. నిందితుని ఈరోజు కోర్టులో హాజరుపరచడం జరిగినది.
నిందితుని వద్ద నుండి స్వాధీనం పర్చుకున్న వస్తువులు:
1.మూడు మొబైల్ ఫోన్లు 2. హెడ్సెట్ 3. కొంత నగదు
ఇట్టి దొంగను చాకచక్యంగా పట్టుకున్న హెడ్ కానిస్టేబుల్ శ్రీనివాస్ , హోం గార్డ్ భాస్కర్ లను మరియు కేసు విచారణలో ప్రతిభ కనబర్చిన మాచారెడ్డి ఎస్హెచ్ఓ అనిల్ ని జిల్లా ఎస్పీ యం రాజేష్ చంద్ర ఐపిఎస్ అభినందించారు.
జూదం జీవితాలను చిన్నాభిన్నం చేస్తుంది – అక్రమ పేకాటపై పోలీసుల ఉక్కుపాదం
Posted On 2026-04-21 19:56:02
Readmore >
జనగణన 2027 – స్వీయ ఎన్యూమరేషన్ లో ప్రజలు స్వచ్ఛందంగా పాల్గొనండి
Posted On 2026-04-21 19:53:11
Readmore >
సంతలో మౌలిక సదుపాయాలు ఏర్పాటు చేయాలి బీజేపీ నాయకులు తంబళ్ల రవి డిమాండ్
Posted On 2026-04-21 18:31:56
Readmore >
బాధ్యతాయుతంగా జనగణన పూర్తి చేయాలి : సిరిసిల్ల జిల్లా కలెక్టర్ గరిమ అగ్రవాల్
Posted On 2026-04-21 17:08:06
Readmore >
హాష్ ఆయిల్ స్మగ్లింగ్కు పాల్పడుతున్న అంతర్ రాష్ట్ర ముఠా అరెస్టు...కోట్ల విలువ గల హషీష్ ఆయిల్ స్వాధీనం
Posted On 2026-04-21 16:28:14
Readmore >